Rodrigo Cuevas presenta'l so segundu discu, 'Manual de Cortejo'

Un cancioneru popular enllén de filigrana y artesanía

Rodrigo Cuevas presentó güei'l so segundu discu 'Manual de Cortejo'. Un trabayu fechu col productor Raül Refree, el mesmu que Rosalía, qu'entamó dempués d'un viaxe de 10 díes pelos pueblos d'Asturies, falando con dalgunes de les grandes conocedores de la nuestra tradición musical. De la tresgresión Cuevas pasa a la calma, a la emoción d'un cancioneru popular enllén de filigrana y artesanía.

Sal al mercáu'l vienres, pero esti 'Manual de Cortejo' de Rodrigo Cuevas foi escoyíu pol País Semanal como unu de los 10 meyores discos del añu. Frutu del trabayu con Raül Refree, el productor de Rosalía, nació como un viaxe iniciáticu pela música tradicional asturiana

Hai xiringüelu, muñeira, habaneres y calma, muncha calma. Un discu lentu, ensin prieses saborgando la esencia d'Asturies

El xueves actuará na Cumbre del Clima de Madrid. Un Rodrigo Cuevas que sigue trespasando llendes reinventando un xéneru y siempres cortexando la nuestra tradición musical.