Rosa Rodríguez, distinguida por conocer la cultura de los cunqueiros

'La Guarida del Cunqueiru' ye un llugar d'alcuentru de la cultura y el folclor

Rosa Rodríguez nació n’A Estierna, yá nel conceyu d’Ibias, pero vive en Trabáu, en Degaña, dende va más de 30 años. Menos de dos kilómetros separten estos dos pueblos, cuna de los cunqueiros o tixileiros. El so llabor por caltener y dar a conocer la so cultura, al traviés del ecoturismu y de 'La Guarida del Cunqueiro', tán tres de la reconocencia de Muyer Rural 2022.

Ye una reconocencia, diz Rosa, compartida, porque ella y el so fíu Víctor encabecen el proyectu. 'La Guarida del Cunqueiro' ye más qu’un taller o una tienda d’artesanía, ye un llugar d'alcuentru de la cultura y el folclor de la fastera.

Col ecoturismu como ferramienta d’espardimientu, entamen toa triba de xornaes y eventos, que convierten en multitudinarios, y qu’impliquen a los visitantes nel territoriu y en proyectos de recuperación d’elementos etnográficos de la zona.

Rosa Rodríguez la única autora qu’escribe en Cunqueiru, col poemariu 'Suenos' asoleyáu, del que yá prepara una segunda parte y reconocida pandereteira.

Esi llabor y pasión polo que fai valió-y la reconocencia Muyer Rural 2022 de la Rede Asturiana de Desendolcu Rural, que busca premiar el trabayu y trayectoria de les muyeres na diversificación de los territorios rurales.

El premiu daráse’l 15 d’ochobre viniente, coincidiendo col Día Internacional de la Muyer Rural.