Roxoes, una auténtica delicia pa munchos

Receta colos restos de la carne de gochu que nun s'usen n'otres ellaboraciones

Los restos de la carne de gochu que nun s'usen n'otres ellaboraciones, una pota de fierro, lleña, agua, sal y muncha paciencia son los ingredientes básicos pa los 'roxoes', un productu tradicional que s'ellaboraba en toles cases de Grandas de Salime na matanza.

Hai variaciones na preparación según la zona, y tamién nel nome. Por exemplu, n'Ibias llámenlos 'turrullos'.

La ellaboración ye cenciella, delles hores a pocu fueu, pa que'l tocín y la grasa vayan diliéndose. Esa grasa va sacándoe delles vegaes na cocción y úsase pa caltener los roxoes yá fechos  y que tean llistos pa consumir con namás unos minutos al fueu.

La tradición manda qu'al acabar la matanza s'entame una cena en casa con amigos, familiares, vecinos y aquellos qu'ayudaron nes xeres, y que se bautiza como la cena de roxoes.

Coles cada vez menos avezaes matances caseres, volvióse un productu mui apreciáu. Una auténtica delicia pa munchos, que se suel sirvir acompañada de cachelos y que nun va faltar estos díes en munches meses de Grandas de Salime.