Rudolf Medical cambia pa Siero pa tener más fluidez na distribución

Una empresa familiar de fabricación y arreglu de material quirúrxico, en medría continua

Rudolf Medical acaba de cambiar pa Siero. Esta empresa familiar de fabricación y arreglu de material quirúrxico, va dende Uviéu pa Llugones pa evitar atascos y tener más fluidez na distribución.

Son pioneros n'economía circular nel sector. Malapenes hai empreses con estos talleres de restauración de ferramientes. Ellos venden, distribuyen, igüen y caltienen material. Daqué qu'aforra costos y sirve como llabor pedagóxicu.

Anguaño cunten con 24 emplegaos, pero bien llueu van ser 25.

Un exemplu de reciclaxe, bon usu y sostenibilidá. D'ehí l'ésitu d'esta empresa familiar en medría continua. El so veceru principal ye la sanidá pública. Toles autonomíes empobínense a ellos, pero tamién países como Andorra o Francia.