Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 3 de abril. 2020 16:53

Salen les primeres producciones homologaes

Geles hidroalcohólicos donados por Auxquimia
Salen les primeres producciones homologaes

Hasta 500.000 mazcarines al día van reciclase pa usu sanitariu

El xel hidroalcohólico ellaborao de manera altuista por siete empreses asturianes va llegar güei, per primer vegada, a dellos centros residenciales públicos y privaos de la rexón. Los primeros lotes salieron esta mañana a destinos del suroccidente y zones más alloñaes del centru y el repartu siguió esti mediudía cola collaboración de la Guardería del Principáu, Protección Civil y Bomberos.

Güei salió la primer gran remesa, cerca de 3.000 llitros de productu, distribuyíos n'envases de distinta capacidá. L'oxetivu ye producir un total de 15 tonelaes en dos selmanes. Na planta d'Auxquimia nel Polígonu de Baíña faen los llabores tres operarios, más el personal de llaboratoriu.

Hasta 500.000 mazcarines al día van reciclase pa usu sanitariu

El procesu de reciclaxe de mazcarines entama nos hospitales, onde s'almacenen en contenedores les protecciones yá usaes. Ye na empresa Therman onde les someten a tres procesos de llimpieza y desinfección, con productos químicos.

Les mazcarines esterilícense una vegada más nos autoclaves de la empresa Olmar: dientro de la mesma bolsa, son espuestes a altes temperatures y presiones. Yá taríen llistes pa volver al Serviciu de Salú del Principáu.

Tol procesu d'homologación y arranque d'esti sistema pioneru llevóse alantre gracies a la solidaridá de les más de 100 empreses que participen nél. Apurren material y productos químicos, dexen les sos instalaciones y trabayadores y, lo más importante, ponen el so saber facer al serviciu del Sespa.

Al traviés d'esta cadena de profesionales, tou un exemplu d'economía circular, esterilizaránse 500.000 mazcarines al día.

Col desinfestáu de mazcarines en funcionamientu, entamen a faer pruebes pa reutilizar otros elementos, como bates o pantayes protectores. Pruebes que tendrán que pasar los procesos d'homologación que rique'l so usu sanitariu.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL