Investígase la muerte súbita d'una asturiana de 40 años vacunada con AstraZeneca

El médicu nun robló'l certificáu de fallecimientu al entender que podría tratase d'una reacción​

L'Institutu de Medicina Llegal d'Asturies investiga si detrás de la muerte súbita d'una muyer de 40 años pue tar un efectu adversu a la vacuna d'Astrazeneca. La investigación empezó porque'l médicu que lu atendió nun robló'l certificáu de fallecimientu, al entender que podría tratase d'una reacción.

El fallecimientu foi a finales de febreru y el médicu de guardia que lu atendió, nel oriente asturianu, nun robló'l certificáu de fallecimientu, según esplicó María Antonia Martínez, directora del Institutu de Medicina Llegal d'Asturies.

La vacunación foi una selmana enantes del fallecimientu.

Na autopsia nun se detectaron trombos, la muyer morrió de forma súbita por un paru cardiacu. L'Institutu de Medicina Llegal d'Asturies ta a la espera de los resultaos de toxicoloxía p'afitar si se trató o non d'una muerte natural.​