Necesítense cerebros p'avanzar nel estudiu d'enfermedaes neurodexeneratives

Primer edición del Títulu Espertu Universitariu pa futuros neuropatólogos na Universidá d'Uviéu

Necesítense donaciones pal Bancu de Cerebros del Principáu, inxertu nel Biobancu. Son imprescindibles pa que los investigadores avancen n’enfermedaes neurodexeneratives como l’alzhéimer, el párkinson o la ELA. Tamién se necesiten más neuropatólogos.

El Biobancu acaba d’apurrir a Madrid cinco muestres pa una investigación nacional sobre la parálisis supranuclear progresiva: una enfermedá rara, asemeyada al párkinson, pero con característiques propies.

N’España, malapenes son una ventena de neuropatólogos.

Fernández Vega, l’únicu n’activo n’Asturies, coordina’l Títulu propiu d’Espertu Universitariu en Bancos de Cerebros. Acaba de dase la primer edición, con 17 alumnos, tres d’ellos asturianos.

La Universidá d’Uviéu ye amás la única qu’imparte Neuropatoloxía como asignatura optativa, y que la doctora Astudillo punxo en marcha va 20 años.