Seis centros asturianos imparten materies usando l'asturianu como llingua vehicular

Un plan pilotu que s'espera llevar a más colexos

Esti cursu escolar materies como Naturales, Ciencies Sociales, Plástica o Educación Física impártense usando l'asturianu como llingua vehícular pal aprendizaxe.

Ye un plan pilotu pa fomentar l'aprendizaxe de la llingua que s'implantó en seis centros d'Asturies en cuartu de Primaria.

Cada colexu escoyó l'asignatura qu'ufiertó a los padres. Nel de La Carriona n'Avilés y nel de Grau la materia que s'apriende utilizando l'asturianu na metá del so tiempu llectivu ye plástica, en Carbayín y Lieres Ciencies Sociales y en L'Entregu, Ciencies Naturales.

Al terminar el cursu fadráse un informe sobre esta esperiencia pa que'l plan pilotu puea llegar a más colexos.