Seis refuxaos políticos colombianos van vivir n'Asturies seis meses

24 años lleva Asturies acoyendo de forma temporal a refuxaos políticos en situación d'amenaza

Seis refuxaos políticos colombianos van vivir n'Asturies seis meses alloñaos de les amenaces que tienen nel so país por defender los derechos humanos. Dalia llegó va dos meses de Guayaquil y equí asegura que pue dormir más sele.

Mesma situación pa otra colombiana perteneciente al sindicatu agrariu. Nun pierde la sorrisa diz, anque so madre, dos hermanos y la so pareya fueron asesinaos.

María Yeny ye la postrera que llegó a Asturies, vien del Valle del Cauca, una zona onde siguen lluchando escontra los grupos armaos.

Toos viven en Xixón nun programa d'acoyimientu temporal que lleva en marcha 24 años n'Asturies, esplica Javier Orozco, responsable del programa d'acoyida.
Unos refuxaos políticos que van aprovechar la so estancia n'Asturies pa visibilizar la situación que vive Colombia axuntándose con distintos colectivos y instituciones de la rexón.