Siete de cada diez inmobiliaries refuga dafechu alquilar a inmigrantes o población xitana

Un estudiu de la organización 'Provivienda' denuncien qu'hai discriminación nel alquiler de pisos

Abdou Mbaye lleva 18 años n'Asturies. Senegalés, cocineru nun restaurán, vive en Xixón cola muyer y dos neñes nun pisu d'alquiler que-y costó a esgaya alcontrar, como él asegura.

Una discriminación que, según Malick Diouf, antróxase con mensaxes d'una inmobiliaria onde dicen que la propietaria prefier un inquilín con más antigüedá llaboral, como diz el propiu Diouf, presidente de l'Asociación pa l'Ayuda del Inmigrante Africanu n'Asturies.

El d’Abdou o'l de Malick nun son casos aisllaos. Según un estudiu de la ONG Provivienda más del 70% de les inmobiliaries reconoz qu'apliquen discriminación racial total si asina lo piden los propietarios que les contraten señala Elena Martínez, responsable d'Investigación y Evaluación de Provivienda.

Una discriminación que sufre sobre manera la población subsah.ariana, magrebí o xitana y que pue ser un delitu d'odiu, diz Víctor García, director n'Asturies de la Fundación
Secretariáu Xitanu y Miguel Ruiz, abogáu de Provivienda.

Unes denuncies que puen ponese n'ayuntamientos, oficines de consumu, conseyeríes de vivienda o nos propios xulgaos. En Barcelona llegó a multase con 90.000 euros a una inmobiliaria por racismu.