Solo'l 6% de los centros escolares tien plan de prevención de riesgos llaborales

CCOO estiende la denuncia a otros ámbitos de l'alministración pública

CCOO denuncia que solo 27 de los aproxiadamente 400 centros escolares d'Asturies tienen un plan de prevención de riesgos llaborales y la evaluación de los riesgos que trai caunu de los puestos de trabayu. Unos informes que son obligatorios por llei, recuerda'l sindicatu, y que l'alministración pública esixe a la empresa privada, pero incumple nel so ámbitu.

La denuncia de CCOO enfócase nos centros escolares, pero podría ser estensiva a munchos otros ámbitos de l'alministración pública, diz el sindicatu. De los 400 colexos y entidaes educatives xestionaes dende l'alministración autonómica, solo un 6% cumple colos informes a los qu'obliga la llei de riesgos llaborales.

Según CCOO, el Principáu centróse n'evaluar aquellos centros qu'usen maquinaria como los de FP, desdexando los demás. Queden, poro, la mayor parte de los trabayadores de centros educativos ensin tener la descripción de los riesgos qu'implica'l desenvolvimientu del so trabayu.

La razón de fondu, dicen, ye la falta de personal pa faer esta evaluación.