Los candidatos autonómicos celebren el so únicu alderique de campaña en RTPA

El programa va emitise a partir de les 22:00 al traviés de TPA y RPA

Los cabeces de llista de les siete principales formaciones que se presenten  n'Asturies a les elecciones autonómiques del próximu 26 de mayu van participar nel so únicu alderique na campaña, que va ser emitíu per RTPA.

L'alderique va poder vese a partir de les 22:00 tres ser grabáu a lo llargo la xornada pa la so emisión íntegra, dempués de que los problemes d'axenda plantegaos poles distintes formaciones torgara facelu en directo.

El programa va entamar con una primer entruga que los candidatos tendrán que responder nun minutu sobre la primer midida que tomaríen en casu de llegar al Gobiernu. Por sortéu, va abrilu'l candidatu de Ciudadanos, y va cerralu'l cabeza de llista de Vox.

Darréu afitáronse cinco bloques nos que se van dar tres minutos de tiempu a cada candidatu pa plantegar les sos propuestes sobre política industrial; infraestructures; mundu rural y crisis demográfica; cultura y cooficialidá y servicios públicos.

A lo último, los cabeces de llista van disponer d'un últimu turnu pa pidir el votu directamente a los espectadores que, nesti casu, va abrir el PSOE siguíu d'IX, PP, Podemos, Foro, Vox y Ciudadanos.