Tinéu quier dar nueva vida a los sos domingos 

Comercios y hostelería xúnense na iniciativa ‘Avenida Alantre’

Anque la previsión meteorolóxica frenó les espectatives, al final el tiempu acompañó y la de güei foi una mañana de domingu diferente en Tinéu y enllena d’actividá gracies al mercáu 'Avenida Alantre'.

Nacía impulsáu pola asociación 'El huertín del Cayelín' y darréu amestábense comerciu y hostelería de l’Avenida González Mayo, en collaboración col Ayuntamientu.

Los comercios de la cai abren les sos puertes en domingu y instaláronse otros 25 puestos tanto del conceyu de Tinéu como de conceyos de la contornada.

La propuesta complétase con música na cai y otres actividadaes. Una iniciativa con una mui bona acoyida polos vecinos.

La idea ye que puea celebrase una vegada al mes, siempres en domingu, y que se convierta nun espaciu pa comprar, tomar daqué y esfrutar del domingu de forma tranquila y segura, con accesu reguláu, aforu llendáu, toma de datos y temperatura.