UXT pide acompasar la política climática pa que nun acabe cola industria

Lanero alvierte del "estáu d'emerxencia industrial" qu'hai n'Asturies

El secretariu xeneral d'UXT Asturies, Javier Fernández Lanero, pidió al Gobiernu que les polítiques de calter climáticu "s'acompasen" cola situación de la industria pa que'l procesu de descarbonización nun lleve "per delantre" l'actividá y los trabayos y salarios de calidá.

En declaraciones a los periodistes enantes de la xunta na Presidencia del Gobiernu del Principáu, Fernández Lanero alvirtió del "estáu d'emerxencia industrial" qu'hai n'Asturies, que necesita midíes urxentes, como la fechura d'un estatutu electrointensivu.