Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 5 de xunu. 2019 08:18

Un "fácil" esame de Llingua castellana inaugura la EBAU n'Asturies

Examen de la Ebau 2019 para acceder a la Universidad
Un "fácil" esame de Llingua castellana inaugura la EBAU n'Asturies

El rector defende'l modelu actual d'accesu

Un total de 4.125 estudiantes entamaron güei la EBAU n'Asturies, un 3% más que l'añu pasáu.

Los alumnos estrenáronse cola prueba de llingua castellana y lliteratura, na que, ente otres cuestiones, tocó-yos comentar un artículu del escritor Gustavo Martín Garzo. L'esame paeció-yos fácil porque, según comentaron, trabayáronlu enforma en clas.

Más discutiniu llevantó la siguiente prueba, la d'Hestoria, de la que los estudiantes dicen que toma munchu temariu. Sicasí, la Universidá refúgalo y matiza que tendríen marxe pa facela más llarga.

Pero, dende la Universidá anuncien que crearon un grupu de trabayu pa revisar esta cuestión.

La EBAU va terminar esti próximu xueves en caúna de les 13 sedes nes que, n'Asturies, ta faciéndose.

Pela so parte, el rector de la Universidá d'Uviéu, Santiago García Granda, defende'l modelu actual d'accesu, nel que cada comunidá decide feches y conteníos, pero considera necesario que se caltenga'l mesmu grau de dificultá pa evitar desaxustes ente autonomíes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL