Un congresu de patoloxíes mamaries axunta n'Uviéu a 800 profesionales del sistema sanitariu

Trabayar a comuña ye fundamental pa meyorar la prevención y los tratamientos

La unidá mamaria del HUCA fai cada selmana ocho operaciones de cáncer de mama, la patoloxía más común venceyada colos senos tanto n’homes como en muyeres.

N’opinión de los espertos, trabayar a comuña ente tolos especialistes médicos implicaos ye fundamental pa meyorar la prevención y los tratamientos. Y sobre esa base aconceyen dende güei n’Uviéu la Sociedá Española de Senoloxía y Patoloxía Mamaria.

Una cita qu’aconceyará a más de 800 profesionales de dellos campos: dende ciruxía y enfermería hasta técnicos sanitarios.