Un conveniu va evitar la espublización en prensa de les víctimes d'agresión sexual
![La directora de informativos de TPA firma el convenio para la protección de la intimidad de las víctimas de violencia sexual](https://www.rtpa.es/fotos//21/09/20210930143549_RTPA1266461.jpg)
La directora xeneral d'Igualdá, Nuria Varela, llevó alantre esta iniciativa
Un alcuerdu robláu pol Gobiernu d'Asturies, los medios de comunicación que trabayen nel ámbitu xeográficu de la comunidá autónoma y les asociaciones de profesionales de la información del Principáu quier evitar l'espardimientu de cualquier información o imáxenes que faciliten la identificación de les víctimes de violación o agresiones sexuales.
Esti conveniu foi robláu esti xueves por El Comercio, La Nueva España, La Voz de Avilés, La Voz de Asturias y La Voz del Trubia; les cadenes de radio Onda Cero, Cope, Radio Asturias-Cadena Ser, RNE y RPA; les televisiones públiques qu'operen nel Principáu, TVE y TPA, y la Canal 10 Televisión; les axencies de noticies EFE y Europa Press; l'Asociación de la Prensa d'Uviéu y el Colexu Profesional de Periodistes d'Asturies.
La directora xeneral d'Igualdá, Nuria Varela, llevó alantre esta iniciativa, sabedora del papel insustituible que los medios desempeñen na sociedá, y coles mires de meyorar el tratamientu informativu de los casos de violaciones y agresiones sexuales que dende'l pasáu payares s'atienden nel centru de crisis d'Uviéu.