Un estudiu asturianu conclúi que tres de cada cuatro neños confinaos engordaron

​L'actividá física menguó y les pantalles fueron unu de los motivos

El confinamientu tuvo un costu na salú de los neños. L'IPLA pon-y númberos, el 78% aumentó l'índiz de masa corporal y esti aumentu foi mayor en neños qu'en neñes.

Nel estudiu analizáronse 14 grupos d'alimentos. Aumentó'l consumu de dulce y bollería y tamién de fruta, pero los pequeños ficieron menos exerciciu.

L'actividá física foi menor y les pantalles fueron unu de los motivos.

La investigación foi fecha na so mayoría por enfermeres y pediatres xubilaes. Esperen que la conocencia de los datos torne nun desaniciu de los malos vezos garraos nel confinamientu.