Un estudiu busca predicir los perfiles de neños con mayor riesgu de complicaciones por Covid

Asturies lidera esta investigación nacional, basada nel equilibriu de la microbiota intestinal

Asturies lidera una investigación nacional sobro la relación ente Covid en neños, y l'equilibriu de la so microbiota intestinal, clave pal sistema inmune.

L'estudiu coordínalu l'Institutu de Productos Lácteos d'Asturies, l'IPLA, dependiente del CSIC, y el Serviciu de Pediatría Dixestiva del HUCA. Participen amás una decena d'hospitales de tol país, munchos d'ellos, pediátricos.

Los hospitales van recoyer amueses de saliva y d'escrementos de neños con PCR positiva, ingresaos por dalgún entueyu pol coronavirus.

L'IPLA va analizar la microbiota, los virus y bacteries d'eses amueses, y cómo ta la inflamación a nivel intestinal.

Les amueses volverán tomase al mes del alta del neñu.

Nel HUCA, pel momentu, consiguiéronse amueses d'un neñu.

La investigación va ser clave nun tema mui poco estudiáu. Quéda-yos per delantre un añu d'investigación.