Un estudiu alvierte sobre los efectos del cambéu climáticu na desaguada del ríu Nalón

Los cambeos nes riaes remueven vieyos sedimentos de la minería y la industria

Un estudiu ellaboráu pola Universidá del País Vascu alvierte sobre los efectos del cambéu climáticu na desaguada del ríu Nalón. Los cambeos nes riaes remueven vieyos sedimentos de la minería y la industria.

Nuna entrevista en TPA Noticies Mañanera, Jon Gardoki, investigador del departamentu de Xeoloxía de la Universidá del País Vascu, asegura que'l cambéu climáticu ta alteriando la frecuencia y la magnitú de procesos hidrolóxicos, ente ellos les inundaciones y les riaes, que provoquen que salgan a la superficie y se movilicen sedimentos que tienen contaminante.

Estos estudios sirven pa reconocer la vulnerabilidá de los ecosistemes costeros mui contaminaos. La situación actual nun supón un riesgu pa les persones nin la fauna del estuariu, asegura Jon Gardoki.

L'investigador tamién analizó otres ríes como les de Vigo y Bilbao, onde a la industria xúnese-y otru factor: los vertíos de dos grandes ciudaes.