Un xulgáu de Xixón condena a una financiera por declarar morosa a una paciente d'Idental

Impón a Evo Finance l'abonu de 5.000 euros a la paciente pol estrozu moral causáu

Un xulgáu de Xixón condena a una financiera por declarar morosa a una paciente de la clínica Idental. La xusticia considera qu'hubo una violación del derechu al honor de l'afectada, al inscribila indebidamente nun ficheru de morosos.

L'autu señala que la paciente pagó puntualmente'l so préstamu de 2.000 euros venceyáu a un tratamientu con Idental hasta'l pieslle de la clínica, y que darréu l'afectada viose obligada a acabar esi tratamientu n'otru centru.

El titular del Xulgáu de Primera Instancia númberu 3 de Xixón impunxo a la financiera, l'antigua Evo Finance, l'abonu de 5.000 euros a la paciente pol estrozu moral causáu.