Un total de 4.829 estudiantes esamínense dende mañana de la EBAU n'Asturies

Villaverde aspira a amenorgar la burocracia que "afuega" a la Universidá

Un total de 4.829 estudiantes van esaminase dende mañana, martes, n'Asturies de la Prueba d'Evaluación de Bachilleratu pal Accesu a la Universidá (EBAU) -146 menos qu'en 2020-, que se va desenvolver ente'l martes y el xueves de la selmana que vien.

Les pruebes van facese en 17 sedes allugaes n'Uviéu, Xixón, Avilés, Mieres, Llangréu, Ribeseya, Cangas, Valdés y Tapia.

Ente les midíes preventives frente a la COVID-19 tán la entrada y la salida graduaes, la separtación d'un metru y mediu ente estudiantes, la esixencia de mázcaru y la ventilación cruzada nos espacios d'esame, resaltó esti vienres la Universidá d'Uviéu nun comunicáu.

El rector de la Universidá d'Uviéu, Ignacio Villaverde, fizo un balance “mui positivu” de los 100 díes que lleva de mandatu al tener cumplíos el 75% de los 33 retos que se plantegara y confía en que na seronda puean algamase toos, con una nueva estructura organizativa y menos burocracia na institución académica, porque dixo que la carga de papel “afuégalos”.