Empiecen les pruebes de la Ebau en Tapia y Valdés

La Universidá desdobló anguaño les sedes del Noroccidente

Más de 140 estudiantes del Noroccidente empiecen esti martes les pruebes de la Ebau. Per primer vegada van facese en dos llugares distintos. Hasta agora toos faíen los esámenes en Tapia, pero anguaño decidióse facer parte de les pruebes nuna nueva sede asitiada nel polideportivu del institutu de Valdés.

Nel polideportivu valdesanu van facese dende esti martes les pruebes de la Ebau pa 91 alumnos de l'área d'influencia de Valdés y Navia.
Cuasi mediu centenar van siguir faciendo los sos esámenes en Tapia, como hasta agora.

La Universidá d'Uviéu decidió anguaño desdoblar les sos sedes.

La de Valdés va empezar a preparase mañana. Tán garantizaes toles midíes sanitaries. Les meses van asitiase con una distancia de dos metros ente elles.

Ye la primer vegada en 35 años que los esámenes d'accesu a la universidá fáense nun allugamientu distintu a Tapia.

Desconozse de cara al próximu añu si se van caltener les dos.