Una aseguradora pagará 40.000 a un local d'hostelería por zarrar na pandemia

La compañía tuvo qu'informar que la póliza nun cubría pérdides por motivos sanitarios

El dueñu d’un local d’hostelería de Parque Principáu sedrá’l primeru en ser indemnizáu n’Asturies pola so aseguradora poles pérdides derivaes del obligáu pieslle por mor de la pandemia. Indemnización que, nel so casu cubre tres meses de pieslle ente la primer y la segunda fola y qu’asciende a 40.500 euros.

La sentencia, dictada por un xuez d’instrucción de Siero, afita que la compañía tuvo qu’informar al veceru que la cobertura contratada escluyía’l pieslle por mor de la situación sanitaria.

La cláusula pola que l’aseguradora tendrá qu’indemnizar al so veceru ye un vezu nesti tipu de pólices. El despachu d’abogados que llevó’l casu anima a tolos empresarios a demandar.

Esontra’l fallu cabe recursu, si bien los abogaos detecten una falta d’interés en que sentencies como esta lleguen al Tribunal Cimeru. Les más de les poques dictaes n’España, hasta agora, nin siquiera fueron recurríes poles aseguradores a les audiencies provinciales.