Una cooperativa de Mieres propón sustituyir la castañal por pinu nes siendes turístiques

Esti cambéu xuníu a un anclaxe en 'T' nes barandielles quier evitar más accidentes

Castañal autóctona por pinu. Ye la propuesta d’una cooperativa de Mieres pa meyorar la seguridá en siendes turístiques como la del Osu,  na que los últimos accidentes -unu d’ellos mortal- caltiénenla nel puntu mira.

El proyectu unvióse a la Conseyería d’Infraestructures y dellos ayuntamientos d’Asturies, incluyíos les comarques de los Valles del Osu, Monte Central y Altu Nalón.  

Dende la empresa mierense proponen la sustitución de pinu por castañal autóctona, por ser más duradera y soportar meyor el mal tiempu, ente otres ventayes.

Na sienda de Turón, por exemplu, reparada va meses, vense dambos tipos de madera y les diferencies de conservación.

Na propuesta inxértase amás un anclaxe metálicu en forma de 'T' agarráu al suelu con una base de formigón y un caltenimientu davezu.

El llunes viniente hai una nueva xunta en Proaza con representantes de los distintos consistorios y empresarios de la zona.