Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 14 de mayu. 2022 19:15

Una de cada tres paves de los cigarros acaben na vía pública o la natura

Familia con un niño frente al cártel de 'playas sin humo' en el arenal de Salinas
Una de cada tres paves de los cigarros acaben na vía pública o la natura

La campaña 'Sableres ensin fumu' quier caltener llimpios los arenales asturianos

La campaña amuesa lo duro de los datos. Una de cada tres paves acaben na vía pública, na natura o los arenales, y tarda cuasi una década en degradase. Procesu que llibera sustancies tóxiques que provoquen contaminación y que puen volver a la cadena alimenticia.

Pa evitalo, punxéronse en marcha iniciatives empobinaes a consiguir 'sableres ensin fumu'. En Castrillón, nun se prohíbe fumar, pero los cartelos encamiéntenlo. Dende l'Asociación de Consumidores Conscientes 'El Paxu Verde', promotora d'esta campaña, pídese conciencia ciudadana pa evitar les paves nel suelu, y que s'echen nun llugar seguru.

La campaña foi bien recibida por tolos que güei s'averaron hasta'l paséu de Salinas.

Según cálculos del Comité Nacional pa la Prevención del Tabaquismu, nel nuesu país xenérense como borrafa más de 32 millones de filtros de pitos al añu, de los que tres cuartes partes acaben na redolada, siendo la borrafa más abondosa nes campañes de llimpieza.

Publicidad
Publicidad
Publicidad
banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL