Una moza corverana, meyor egresada d'España de los estudios de Marina Civil

Aitana Sánchez González impúnxose ente los 10 meyores estudiantes d'esta carrera

Una graduada de la Universidá d'Uviéu llogró'l primer puestu nel ranking nacional n'Inxeniería Marítima que concede la Sociedá Española d'Escelencia Académica, Sedea.

Aitana Sánchez González impúnxose ente los 10 meyores estudiantes d'esta carrera en tol estáu.

Matrícula d'Honor en Bachilleratu, premiu Fin de Grau y 8,9 de media n'Inxeniería Marítima fueron motivos importantes pa la reconocencia a esta corverana de 22 años.

Sedea premió otros aspeutos del so currículum como la so esperiencia como Alumna de Ponte nun cruceru. La COVID-19 sorprendióla a bordu y n'India tuvo qu'ayudar a desallugar a tol pasaxe.

Amás ye voluntaria de Cruz Roja nel Equipu de Respuesta Inmediata d'Emerxencies.