Webcams
Buscar
Una ventena de profesores de FP entamen el cursu ensin plaza
Una ventena de profesores de FP entamen el cursu ensin plaza
La nueva llei educativa esixe titulación universitaria pal profesoráu técnico interín
A menos d’una selmana de qu’entame’l cursu, n’Asturies, el profesoráu técnico interín de Formación Profesional (FP) ensin titulación universitaria nun podrá siguir dando clase, como recueye la nueva llei educativa.
El colectivu de profesores técnicos interinos de Formación Profesional, del que Carmen Gómez ye la portavoz, diz que nel restu de comunidaes sí se buscó una solución.
N’Asturies, les competencies educatives tán tresferíes. Onde nun lo tán, ye dicir, nes ciudaes autónomes de Ceuta y Melilla, el ministeriu sí intervino.
Equí, l’alternativa que-yos da la conseyería, diz Carmen, ye pasar a una llista secundaria qu’asegura, mengua dafechu les posibilidaes de trabayar d’un colectivu nel que, recuerda, la media d’edá ye de 58 años. Nesti escenariu, dalgunos optaron pola xubilación anticipada.
Denuncien, amás, que se-yos escluyó del procesu d’estabilización y que dalgunos compañeros del cuerpu d’interinos nunca nun tuvieron la oportuniá de presentase a una oposición.
Comparte
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL