Los fisioterapeutes, clave pa la recuperación del 10% de los pacientes COVID-19

Parte de la plantiya del HUCA fai'l so trabayu n'otros centros, dempués de convertir el ximnasiu de rehabilitación nuna UCI

Llendaos poles normes sanitaries de distanciamientu y hixene ente pacientes, los fisioterapeutes son clave pa la recuperación del 10% de los pacientes COVID-19. En payares, el ximnasiu de rehabilitación del HUCA convirtióse nuna UCI y, dende entós, parte de la plantiya de fisioterapeutes del hospital fai’l so trabayu n’otros llugares.

El fisioterapeuta ta presente en toles etapes de la enfermedá del paciente de coronavirus. Nos tiempos más duros, el 10% de los ingresaos por coronavirus necesita cuidaos de fisioterapia, los más son pacientes qu’ingresen na Unidá de Cuidaos Intensivos.

Una técnica na que’l paciente produz aerosoles y el fisioterapeuta espónse al contaxu. En planta sigue’l tratamientu y al recibir l’alta dánse-y unos vídeos con exercicios que contribuyen a la so recuperación.

El 9 de payares pasáu, el ximnasiu de rehabilitación del HUCA convirtióse na UCI 9 p’afrontar la segunda fola de la pandemia.

Dende entós, 13 de los 51 fisioterapeutes de la plantiya del hospital atienden a los sos pacientes en cinco centros de salú y l’hospital Monte Naranco.