Unos 400 neños de Salas nun tienen pediatra

Padres y madres esixen el restablecimientu darréu del serviciu

Dende va tres selmanes unos 400 neños de Salas nun tienen quien los cure.

Los padres y madres afectaos denuncien que nun se cubrió la plaza del pediatra titular. Daqué que ta xenerando importantes trestornos a les families y inclusive al funcionamientu del centru de salú del pueblu.

Padres y madres esixen el restablecimientu darréu del serviciu y con esti propósitu concentráronse esta mañana delantre’l centru.

Amás entamaron una recoyida de robles. Dende l’Ayuntamientu llevaráse una moción al plenu viniente con esti mesmu oxetivu.

El problema espárdese a Somiedu y Balmonte, onde’l pediatra namái va una vegada al mes a pasar consulta y piden que lo faga una vegada a la selmana.