Vecinos de Xixón esixen anteponer la salú pública a la captación d'inversión

Nueves movilizaciones pa evitar la instalación d'una planta de tratamientu térmicu de borrafes plástiques

Anteponer la salú pública a la captación d'inversión ye la esixencia alta y clara que los vecinos de Xixón, principalmente los de la zona oeste del conceyu, volverán sacar a la cai, como lo fixeren col proyectu truncáu d'una incineradora en Serín va seis años.

Nueves movilizaciones pa evitar la instalación nel cai d'El Musel d'una planta de tratamientu térmicu de borrafes plástiques, que cada vez ven más cercana y de la que yá se vien falando dende 2021.

En febreru van empezar les xuntes vecinales. Los espertos sollerten de les nocives consecuencies que podría suponer una planta de pirólisis a menos de dos kilómetros de la población.

Desconocen formalmente tanto'l detalle de la futura planta como'l momentu nel que ta la so posible implantación. Yá pidieron xunta cola autoridá portuaria, pel momentu ensin respuesta.

Anulada, dicen ensin xustificación, otra convocada pola empresa Preco pa informar a la vecindá del so proyectu, programada pal 17 d'esti mes.

Por eso nun quieren perder tiempu y activaron yá la maquinaria sol lema "Ellos quemen, tu recicles, non a la pirolisis.