A Veiga, exemplu de cómo los conceyos busquen fórmules d'animar a los sos vecinos

Delegación recuerda que'l decretu del estáu d'alarma prohíbe desfiles como'l de Mieres

Delegación del Gobiernu recordó a los conceyos que les midíes de confinamientu nun dexen entamar desfiles nin pasucáis p'amenizar estos díes a los más pequeños.

En dellos conceyos fixéronse en díes pasaos, como en Mieres. Hai llugares onde prefieren agradecé-yoslo a los neños faciéndolos protagonistes d'un bandu municipal, como n'A Veiga, y tienen que saber, amás, que les midíes impuestes nun afecten, por casu, al Ratoncín Pérez. Va poder siguir visitando les cases de toos esos neños a los que-yos caiga un diente. Eso sí, va tener que dir con mazcarina y guantes.

Y ye que nunca pasamos tantu tiempu como agora nes ventanes. N'Os Oscos y A Veiga, los vecinos unvien les sos semeyes xunto a elles pa un videu qu'ellabora'l plan 'Rompiendo Distancies', porque na zona rural, tamién son necesarios los ánimos.