Vientu, agua y foles n'Asturies

Foles de más de seis metros en Xixón y la flota amarrada en cai ensin poder faenar

Últimu domingu de febreru con ivernada n'Asturies. Vientu y la mar mui movida na mariña asturiana. Tampoco faltó la lluvia, muncho en Villaviciosa, onde se rexistraron 26 llitros per metru cuadráu, en poques hores.

Situación similar nel conxuntu del Principáu. Hai que tener en cuenta que parte del agua recoyío polos pluviómetros vien del dexelu, y non de la lluvia.

Asturies siguira mañana n'avisu mariellu por fuertes lluvies. Tamién en Los Picos d'Europa, la protagonista foi la lluvia.

Nunos Picos d'Europa nos que se rexistraron raches qu'algamaron los 68 kilómetru per hora, nin l'agua nin el vientu amurniaron a quien visitó Los Llagos de Cuadonga, con bastante menos nieve de lo esperao por dalgunos.

Con tola mariña asturiana n'avisu naranxa por riesgu importante de fenómenos costeros, n'El Cabu Bustu, en Valdés, rexistrábase una racha de vientu de 114 kilómetru per hora, la segunda más fuerte del país. Anque soplara daqué menos, l'airada dexábase sentir en llugares como Avilés.

Unes condiciones iverniegues que van dir a más nes próximes hores con nuevos avisos por fenómenos costeros y por nevaes, tanto n'El Cordal Cantábricu como en Los Picos d'Europa.

Foles de más de seis metros en Xixón y la flota amarrada en cai ensin poder faenar

Tamién el mar tuvo bravu tol fin de selmana. La boya de Xixón rexistró foles de más de seis metros d'altor y l'Aemet prevé que mañana puean algamar los ocho metros. La flota pesquera sigue amarrada en cai ensin poder faenar.