Webcams
Buscar
El Principáu va construyir vivienda pública pa baxar los precios en zones turístiques
El Gobiernu asturianu va faer hasta 25 viviendes de promoción pública p'arriendu nel centru de Colunga
El Gobiernu d'Asturies va construyir ente 20 y 25 viviendes de promoción pública p'arriendu nel centru de Colunga, en dos parceles urbanes que sumen unos 6.500 metros cuadraos, un proyectu que cunta con financiamientu de los fondos europeos del Mecanismu de Recuperación y Resiliencia (MMR).
La conseyera de Derechos Sociales y Bienestar, Melania Álvarez, y l'alcaldesa de Colunga, Sandra Cuesta, roblaron güei nel conceyu'l conveniu pol que'l consistoriu dexa al Principáu dambes parceles, allugaes na zona de La Posesión, cabo la urbanización El Jardín del Sueve, y destinaes a usu residencial.
