Voluntarios de toa Asturies movilícense escontra la 'basuraleza'

La campaña desendólcase en más de 1.000 llugares pa recoyer residuos

Voluntarios de toa Asturies movilícense na campaña escontra la 'basuraleza' del proyectu Llibera. Ye la quinta gran movilización añal, que se desendolca en más de 1.000 llugares pa recoyer residuos.

Botelles, plásticu, botes y paves. Basura qu’amenaza la natura y estroza la salú. Unos 50 voluntarios xuntáronse güei pa llimpiar de residuos la contornada privilexada d’El Cabu Peñes.

Los plásticos componen el 80% de la basura abandonada na natura. Ye’l componente que más esmolez a la comunidá científica.

Amás la crisis sanitaria dexa como residuos abondes mazcarines.

Cada vegada son más los ciudadanos concienciaos cola necesidá de cuidar l’entornu. Un 49,6% cree que la contaminación na natura ye ún de los tres problemes que más esmolecen del mediu ambiente, según l’Observatoriu de la Basuraleza del Proyectu Llibera d’Ecoembes.