Vox tamién reclama l'inxerimientu del pin parental n'Asturies

Mallada diz que Vox usa l'alderique del pin parental pa ganar votos del centru derecha

Vox presentará una Proposición Non de Llei na Xunta Xeneral del Principáu pa pidir l'inxerimientu del pin parental n'Asturies col envís de que seyan los padres los encargaos de decidir si los sos fíos reciben conteníos estracurriculares venceyaos cola moral, la ética o la relixón, al entender qu'esa faceta educativa correspuende a les families y non al Estáu.

Los diputaos asturianos Ignacio Blanco y Sara Álvarez Rouco defendieron esti martes esta midida nuna rueda de prensa na qu'amosaron la so sorpresa pol discutiniu que xeneró esta iniciativa a nivel nacional.

La portavoz del PP na Xunta Xeneral, Teresa Mallada, aseguró esti martes que l'alderique al rodiu del pin parental ye "claramente un interés del PSOE por algamar revivir a Vox y un interés d'esti partíu pa da-y xuegu a los socialistes col envís de ganar votos de la derecha y del centru derecha moderáu".