Wikipedia dobla en dos años el númberu d'artículos en Llingua Asturiana

Ocupa'l númberu 81 de les más de 290 llingües con presencia na enciclopedia

La versión n'asturianu de la popular Wikipedia conmemoró, esta mañana en Bimenes, superar yá los más de 50.000 artículos en Llingua Asturiana cuando en 2015 había asoleyaos unos 25.000.

Ello foi posible gracies al llabor desendolcáu por un grupu de nueve alministradores, un trabayu que llegó a asitiar a la Wikipedia n'asturianu nel puestu númberu 81 de les más de 290 llingües de tol mundu con presencia nesta enciclopedia llibre on line.

Los responsables de l'Academia de la Llingua Asturiana agradecieron esi llabor que contribúi a una mayor divulgación del asturianu.