Xornaes por mor del Día Internacional de los Derechos Humanos

Seis colexos de Xixón participan con actividaees baxo'l lema 'Texendo Derechos'

El centru municipal integráu Pumarín Xixón Sur acueye tol día stands y esposiciones de les distintes entidaes y asociaciones de la ciudá, pero tamién d'otros puntos del Principáu dedicaes a la cooperación y la solidaridá. Ye una parte de les xornaes por mor del día internacional de los derechos humanos baxo'l lema 'Texendo Derechos' y que pela mañana tuvo como protagonistes a los más pequeños.

Esbarrumbando muries con pinceles, torgues que separen dos realidaes, la d'aquellos ciudadanos llibres y la de los que son sometíos, maltrataos, desprovistos de los sos derechos fundamentales.

Idees que los alumnos de seis colexos xixoneses plasmaron en murales que decoren los sos centros ayudaos por tres conocíos artistes plásticos asturianos sorprendíos pola visión de los más pequeños sobre esta realidá.

Por mor del día internacional de los Derechos Humanos, la fundación de cultura y servicios sociales del ayuntamientu de Xixón enfótase cada añu n'implicar a los más pequeños, sensibilizando y visibilizando'l problema pero tamién a aquelles asociaciones y entidaes que cooperen internacionalmente y trabayen caldía pola defensa de los derechos del otru.