Cortada l'AS-15 en Soutu p'ampliar les voladures na lladera afectada pol argayu

Itinerariu alternativu per Tinéu al traviés de l'AS-215, AS-216 y la Nacional 634

El corredor del Narcea tará cortáu a l’altura de Soutu dende esti mediudía y hasta’l sábadu qu’entra.

El Principáu adopta esta midida énte la necesidá de tener qu’ampliar les voladures controlaes na lladera afectada pol argayu que’l mes de payares pasáu acabó cola vida d’una muyer.

Mientres duren los trabayos, Infraestructures afitará un itinerariu alternativu per Tinéu al traviés de l’AS-215, AS-216 y la Nacional 634.