El Conseyu de Gobiernu aprobó esti miércoles la robla d’un conveniu ente’l Principáu, el Conseyu Superior d’Investigaciones Científiques (CSIC) y la Universidá d’Uviéu pa la creación y regulación del Institutu Mistu d’Investigación en Biodiversidá (Imib).
Esti alcuerdu supondrá la conversión de l’actual unidá mista d’investigación en biodiversidá instalada nel campus de Mieres.
Según informó en rueda de prensa la portavoz del Executivu autonómicu, Melania Álvarez, la tresformación n’institutu mistu implica importantes beneficios pal personal investigador, porque podrá optar a convocatories nacionales y europees y, poro, captar más financiación.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL