Un estudiu fechu pol grupu d’investigación Aprendizaxe Escolar, Dificultaes y Rendimientu Académicu (ADIR) de la Universidá d’Uviéu solliña que nueve de cada diez estudiantes que sufrieron l’espardimientu na rede y ensin el so consentimientu de semeyes o grabaciones "n’actitú sexualmente suxerente" tomen la decisión d’abandonar los sos estudios.
Los autores del trabayu, asoleyáu na revista ‘Higher Education Research & Development’ reclamen más concienciación y intervención nes etapes educatives anteriores pa prevenir el fenómenu y afitar de forma urxente una nueva Llei de Convivencia Universitaria, según informó esti miércoles la Universidá d’Uviéu.
La profesora Ana Belén Bernardo Gutiérrez, profesora de la Facultá de Psicoloxía, apunta que l’oxetivu de la investigación foi analizar si hai o non casos de ciberacosu na enseñanza universitaria y si hai o non rellación ente ser víctima de dalgún tipu d’acosu na rede y la intención d’abandonar los estudios superiores.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL