Asturies quier asitiase, con Madrid, Andalucía, Galicia o Cataluña, ente les comunidaes más puxantes na industria aeroespacial de nanosatélites venceyaos a la meyora de les telecomunicaciones y l'espliegue de la tecnoloxía 5G polo que plantegó un plan d'atracción d'empreses y ensayos que quier rematar col llanzamientu d'un prototipu que garantice una cobertura d'alta calidá.
L'oxetivu final ye poner n'órbita un nanosatélite y pa eso hai qu'atraer y incorporar cierta tecnoloxía y configurar un sistema d'empreses tecnolóxiques que, xunto cola Universidá d'Uviéu, lo faiga posible, señaló esti llunes el conseyeru de Ciencia, Innovación y Universidá, Borja Sánchez, na presentación de la propuesta de compra pública inovadora (CPI).
Esta iniciativa inclúi la creación de bancos de pruebes pa satélites y motores de cohete, y como pasu final, prevé poner n’órbita un prototipu que facilite midíes, imáxenes y cobertura d'alta calidá.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL