La dixitalización, una de les asignatures pendientes n'Asturies

El CSIC trabaya en cuatro centros nel Principáu

La dixitalización, l'avieyamientu o l'amenorgamientu d'emisiones industriales son dalgunes de les necesidaes asturianes que dende'l Conseyu Superior d'Investigaciones Científiques tán investigando.

Retos qu'al traviés de los cuatro centros que tienen n'Asturies, dos propios y dos mistos, podríen xenerar empleos de calidá, según esplicó la delegada del CSIC n'Asturies, Ángeles Borrego, nuna entrevista a TPA Noticies Matinal.

Anque nun tuvieron qu'abandonar nengún de los sos proyectos, la pandemia camudó la manera d'organizase del Conseyu Cimeru d'Investigaciones Científiques.

Ángeles Borrego valora positivamente que los presupuestos tengan en cuenta la ciencia, y más nesta complicada situación sanitaria. Recuerda que la ciencia nun ye un mundu d'homes. Borrego apuesta por visibilizar la ciencia nos más pequeños.