'Cuestión de Ciencia 4.0' inaugura n'Asturies la cuarta edición del concursu de monólogos

Búsquense los meyores monólogos sobre los retos de desarrollu sostenible

'Cuestión de Ciencia 4.0' inaugura n'Asturies la cuarta edición del so concursu, que busca los meyores monólogos sobre divulgación. Bayer y el grupu Big Van Ciencia entamen esti certame, que busca los meyores monólogos sobre los retos de desarrollu sostenible, como la despoblación o'l cambéu climáticu.

Divulgadores del programa de televisión Órbita Laika inauguraron la nueva edición del concursu 'Cuestión de Ciencia 4.0'. Fáenlo nun institutu de Mieres, d'onde salió'l postrer ganador.

Los estudiantes que quieran participar tendrán qu'unviar un videu de tres minutos, onde, al traviés del humor, apliquen les sos conocencies, visiones y soluciones sobre los retos del futuru.

Tamién s'acepten otres temátiques sobre desarrollu sostenible, l'accesibilidá de la salú o la dixitalización de l'agricultura. Hai 10.000 euros en premios. La xira empieza nel Principáu y va percorrer la España menos poblada pa convidar a los mozos a sumase a esta iniciativa.

L'oxetivu ye enseñar ciencia d'otra manera, llevala al so terrén col llinguaxe y humor de los más mozos, espertando vocaciones científiques. De les tres ediciones anteriores, con más de 6.000 estudiantes de Secundaria, Bachiller y FP como destinatarios, dos ganadores fueron asturianos.​