Facebook censura al Niemeyer por una semeya d'una esposición temporal

La rede social considera pornografía una semeya de Ciuco Rodríguez

Facebook censura al Centru Niemeyer por publicitar una semeya de la esposición temporal qu’acueye’l centru del artista cántabru Ciuco Rodríguez. El Centru Niemeyer asoleyóla nel so perfil pa publicitar la esposición del artista cántabru y Facebook decidió censurar la cuenta del Niemeyer.

Lleven cuasi un mes col perfil de Facebook zarráu por mor de la semeya. Lo curioso ye que la mesma publicación fízose n’Instagram y en Twitter y nestos medios nun se censuró.

El Niemeyer llevaba en Facebook 10 años con un perfil que cuntaba, hasta’l so pieslle temporal, con más de 25.000 siguidores.