El proyectu 'Hackademia' del CIFP d'Avilés ente les 30 meyores iniciatives anovadores d'España

El centru avilesín ye l'únicu d'Asturies que forma en ciberseguridá

El CIFP d’Avilés desendolca un proyectu de ciberseguridá. Llámase 'Hackademia​', axuntará información, teoría sobre la seguridá na rede y amestaráse dalgún exerciciu prácticu.

Ye una ferramienta abierta a tolos usuarios, non solo al alumnáu y profesoráu del centru.

'Hackademia​' foi escoyida como una de les 30 iniciatives de FP más anovadores d’España. El centru avilesín ye l’únicu d’Asturies que forma en ciberseguridá, un campu que piensa ufiertar en 2024 83 mil puestos de trabayu n’España.