El traxe que salvó la vida a Grosjean ta fechu con material fabricao n’Asturies

Nomex lleva faciéndose n’Asturies dende 1993

Un total de 27 interminables segundos ente les llaparaes ye’l tiempu que tuvo nel so coche prendíu’l pilotu de F1 Romain Grosjean.

El francés algamó sobrevivir al incendiu esti domingu gracies al texíu Nomex fecho n’Asturies por Dupont.

La multinacional norteamericana confirmó que’l material ignífugo salió de la so fábrica del valle de Tamón.

Nomex lleva faciéndose n’Asturies dende 1993 y úsase tanto pa la vistimenta protectora de los pilotos de F1 y GP hasta pa traxes de bomberos y trabayadores industriales de tol mundu.

La estructura molecular d’esti texíu de Dupont nun se funde, sinón que se carboniza y medra’l so grosor cuando s‘espón a un calor intenso.

Una barrera de protección que dexó a Grosjean sobrevivir ensin quemadures onde llevaba puestu’l traxe y que fizo que les imáxenes dean la vuelta al mundu p’algamar salir con vida d’unu de los peores accidentes de la Fórmula 1 gracies a la tecnoloxía.