Innovasturias ayuda a les empreses a ser más competitives

Trabaya con empreses, centros tecnolóxicos y universidá pa fomentar l'anovación

Innovasturias cunta con 185 socios, anque ye una cifra en movimientu de siguío. Ye una asociación al serviciu de la sociedá asturiana, comunica a empreses y asociaciones cola universidá y los centros tecnolóxicos p’ayudar na anovación.

Nuna entrevista en TPA Noticies Matinal, la presidenta d’Innovasturias, Ana María Pérez, asegura que l’anovación entama na universidá, pero non sólo ta ehí. Anovamos toos, faciendo les coses de manera diferente al restu y siendo, asina, más competitivos, daqué esencial pa les pymes.

L’anovación ye útil pa toos, dende grandes empreses, como Imatech, hasta otres más pequeñes de tecnoloxía como Abamobile. Les dos fueron premiaes esti añu por Innovasturias.