L'Institutu Universitariu d'Oncoloxía del Principáu (IUOPA) incorporó un dispositivu, únicu na comunidá y del qu'esisten poques unidaes n'España, que dexa dixebrar y analizar 10.000 célules tumorales en cada muestra y pue llegar hasta cien mil por cada paciente.
Esta nueva ferramienta va contribuyir a avanzar na conocencia del cáncer, coles mires de meyorar el diagnósticu y el tratamientu d'esti tipu de patoloxíes, informó'l Gobiernu del Principáu.
La incorporación d'esti preséu, xunto con otros equipos, foi posible gracies al financiamientu de 500.000 euros añales que la Conseyería de Ciencia, Innovación y Universidá destina al IUOPA.
El nuevu equipu ufierta la posibilidá d'estudiar la espresión xénica de miles de célules tumorales nun únicu esperimentu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL