La Universidá d'Uviéu prepara 'La nueche europea de los investigadores'

Entámase un buffet llibre de ciencia con 41 actividaes y 150 científicos

La Universidá d'Uviéu va celebrar la Nueche Europea de los Investigadores cola participación de 150 científicos que van desenvolver 41 actividaes, ente elles, un 'buffet llibre' de ciencia con 27 estands, previstu pal vienres, 24 de setiembre, nel Edificiu Históricu.

El rector de la Universidá d'Uviéu, Ignacio Villaverde, acompañáu del director d'área de los Servicios Científico-Técnicos, Juan Carlos Mayo, y de los investigadores Alba Morán y José Manuel Montejo, presentó esti vienres el programa ellaboráu pol Día Européu de los Investigadores.

La celebración, qu'anguaño algama la so docena edición, cuenta con novedaes como un 'escape room', que va dexar a los sos participantes visitar l'Edificiu Históricu dende un puntu de vista histórico-artísticu, y tamién xeolóxicu y físicu.